A Festa da Natureza

O pasado 31 de maio celebramos a Festa da Natureza. A festa albergou as actividades propostas polos profesores, unha exposición sobre as árbores do noso centro, e a parte deportiva, como sempre, cos torneos de fútbol, baloncesto e o clásico de penaltis.
As actividades foron catro e cada un de nós tivo que apuntarse nunha delas: trekking, que consistiu en ir por rutas polo monte, formas (neste caso construíuse unha casa pequena de madeira), pintura (pintamos dúas árbores do centro) e documental (elaboramos un documental sobre distintos elementos da natureza do centro).
Despois das actividades foi o momento do xantar ao aire libre, para o cal levamos a comida da casa.
Tamén aproveitamos para saber algo máis das árbores que vemos cada día no noso centro; cada curso realizou unha exposición sobre unha árbore e os demais puidemos aprender cousas sobre a súa historia e orixe, os usos, as pragas, as enfermidades, etc.
Pola tarde, o clásico torneo de penaltis abriu a sesión deportiva, despois seguirían os de fútbol e o de baloncesto.
En xeral foi unha boa xornada ao aire libre, un día no que puidemos aprender cousas novas e tamén a crear a experimentar, un día no que xogamos e competimos pero principalmente un día no que estivemos todos en en contacto coa natureza.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies