A nosa excursión
O venres 15, fomos de excursión ó Concello de Cuntis. Primeiro descubrimos un espazo natural no lugar de Vilamean, rodeado dunha vexetación diversa, onde se atopa A Luaira, alí crían e doman cabalos. Dunha maneira amena e sinxela os responsables das instalacións explicáronnos moitas cousas que alí fan.
Foi unha visita moi interesante posto que, ata puidemos tocar a Samba, unha poni apuntiño de ser nai e a Paco, o burro que vixía que o lobo non se acerque por alí.
Despois de tomar a merenda xogamos un pouco nos xardíns de Cuntis e logo demos un paseo visitando a Burga de Lume de Deus, os Lavadoiros Municipais, a Praza das árbores e o río. Neste paseo acompañounos un guía do concello que tamén nos contou cousas interesantes das súas augas termais.
Viñemos cansadiños pero moi contentos, foi un día emocionante.