Carta de D. J. Enrique Otero Fernández

Estimadas Familias:

Chegado o momento da miña xubilación, quero, con esta breve nota, agradecerlle a toda a Comunidade Educativa a inestimable axuda e colaboración que sempre teño recibido.

Dende hai 43 anos que fundei e dirixín este Colexio, do que modestamente me sinto orgulloso, é o momento de dar paso a xente nova, con novas ideas, novos proxectos para tempos novos.

Teño a honra de comunicarlle que a responsabilidade da dirección tena, dende o 1  de setembro, Dolores Otero Neira (Enxeñeira Química, Coach, Master en Comunicación Integral e Experta en Formación Familiar e Intelixencia Emocional).

Reitero o meu agradecemento a todos pola axuda, apoio e colaboración e por desculpar os erros que ao longo destes anos teño cometido.

Desexo para a nova directora e o seu equipo os mellores éxitos que serán para toda esta gran Familia, especialmente para os nosos Alumnos, principais destinatarios do noso traballo.

Quedando ó seu dispor, saúdos afectuosos

D. J. Enrique Otero Fernández

Ex-Director do Colexio Nosa Señora de Lourdes