Celebramos o día das Letras Galegas
O mércores 16 puxémoslle remate á semana das Letras Galegas. A nosa aportación á celebración consistiu primeiramente nun acto no que asistimos á proxección dun vídeo sobre Valentín Paz Andrade (que incluíu poemas seus recitados por Túñez, xogador do Celta, e Moncho Fernández, adestrador do Obradoiro); o vídeo deixou paso a poemas de diversos autores galegos e de distintas épocas, que puidemos desfrutar na voz dos nosos alumnos; foi un espléndido recital, rebordante de xenio e de xenerosidade. Non faltaron faltaron á cita os escritores locais (aproveitamos o acto para presentar un “Mapa-Google de escritores estradenses”, a partir dun traballo feito polos alumnos de 1º) nin por suposto tampouco faltaría a música: “Unha noite na eira do trigo” e “Lela” valeron para demostrar, unha vez máis, a capacidade dos nosos alumnos para encher de maxia calquera momento. Despois, pola tarde, participamos no acto común cos compañeiros de Infantil e de Primaria e despedimos, interpretando o noso himno, os actos sobre as Letras aínda que non o día: a festa da Natureza agardábanos!
Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/
[]