De excursión pola península do Morrazo
O pasado xoves, 25 de maio, tivemos saída didáctica. Propuxémonos coñecer a península do Morrazo e comezamos a viaxe cunha parada para ver os petróglifos de Mogor e o seu centro de interpretación, moi preto da praia co mesmo nome; despois, no Museo Massó, en Bueu, descubrimos a importancia que tivo para a sociedade e economía da zona a industria da conserva e, tras repoñer forzas en Cabo Home, xa en Cangas, tocou camiñada e, como non, praia, a praia de Melide, xusto enfronte das Illas Cíes. Como último punto do noso itinerario, parada e paseo pola zona vella de Pontevedra, a porta do Morrazo.
Fermoso día, e fermosas vivencias a carón do mar.
Para ver a galería de fotos desta entrada ten que acceder ao Antigo Blog E. Secundaria