Día Internacional da Muller
O día 8 de marzo dende o centro da ESO unímonos á celebración do “Día Internacional da Muller”. Durante a mañán os profesores leímos varias biografías de mulleres destacadas en diversos campos ao longo da historia (enxeñeiras, matemáticas, doutoras…). Xa pola tarde celebramos un acto encabezado pola nosa directora, que fixo unha breve introducción da importancia deste “Día”. A continuación, a profesora María Carbia falounos das razóns da elección desta data, 8 de marzo, para a celebración do Día da Muller, tanto en España, como no resto do mundo. O resto da tarde visionamos a película “Figuras Ocultas”. Foi unha xornada de reflexión na que todos afirmamos a importancia desta longa loita.