Somos un centro concertado, plurilingüe, laico e que fomenta a liberdade de pensamento. Defensor da cultura propia e aberto a aprender o mellor doutras culturas. Que soña cun mundo mellor e que desexa seguir colaborando coa sociedade na súa evolución. Que ofrece ao alumnado e familias un ensino de calidade, onde o obxectivo é lograr alumnas e alumnos exitosos e felices. Como di o noso lema,
“MÁIS DE 50 ANOS MEDRANDO CONTIGO”.
O Colexio Nosa Señora de Lourdes foi fundado en 1969 por D. José Enrique Otero Fernández.
Dende entón, profesorado, familias e alumnado, imos facendo realidade o noso Proxecto Educativo baseado nunha proposta de mellora constante da calidade do ensino. Este Proxecto Educativo é resultado dunha reflexión seria sobre que persoas queremos formar, como orientar, que facer para transformar e transformarnos nunha sociedade máis rica en valores, máis solidaria, máis libre, máis creativa e máis respectuosa co medio ambiente.
Conta o noso Centro cun equipo de profesionais que con ilusión e interese levan á práctica os distintos deseños curriculares. Unha ensinanza activa, participativa, aprendendo da investigación, fomentando o uso das linguas oficiais da nosa Comunidade Autónoma e a aprendizaxe das linguas estranxeiras, fan do noso Colexio un centro con personalidade propia.