Magosto, Magosto…

Chegou o magosto. Este ano un pouco adiantado xa que o bo tempo do que estamos a disfrutar fixo que as castañas estivesen listas. Comezamos o mércores pola tarde  con diversos talleres como o de manualidades no que aproveitamos  castañas, landras e demais materiais que recollemos a man para facer traballos de decoración e o baleirado e confección de cabazas. Ao mesmo tempo outros recolliamos ramas para facer unha cabana para os máis pequenos.                                                                                        Xoves 20, o gran día. Comezamos a xornada rematando as actividades do día anterior. Mentres  uns poucos anicabamos as ricas castañas que logo comeriamos todos xuntos, outros preparabamos o campo para os deportes, a música… tampouco faltou a camiñada polo monte, esta vez  ata o punto xeodésico que temos preto do colexio. Á  volta repuxemos forzas  e nada máis rematar fixemos de monitores dos xogos tradicionais para os máis pequenos, con eles tamén compartimos  as castañas asadas arredor da fogueira, limos poesías, fixemos teatro e versionamos cancións tradicionais. A xornada acabou cos desexados torneos de futbol e baloncesto. Esperamos xa con ansia o magosto do ano que vén.

Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/

[ orderby=”title”]