Menuda forma de soplar!


O mércores, 15 de decembro os alumn@s de 5º e 6º de E. P. fomos de visita ao Parque Eólico Experimental “Sotavento” en Momán – Xermade (Lugo)

Alí escoitamos as explicacións dos monitores sobre os distintos tipos de muíños, desde a súa orixe ata agora. Estivemos na sala de control dos xeradores eólicos, e tamén na sala de máquinas. Percorremos unha casa bioclimática e domótica, que é máis ou menos unha casa intelixente. Pode abrir e pechar as fiestras e as persianas ela soa para controlar a temperatura, variar os espazos segundo conveña ou aproveitar a auga da chuvia ou a forza do vento e a luz solar para producir a súa propia enerxía. Tamén nos explicaron diferentes formas de aforrar enerxía, como apagar os aparellos eléctricos co botón de acendido e non co mando, desenchufar os cargadores dos móbiles ou utilizar lámpadas de baixo consumo.

Despois dunha mañá completiña fixemos un alto para repoñer forzas e visitar a tenda na procura dalgún recordo para levar á casa.

Pola tarde tivemos un taller de elaboración de papaventos e probámolos fóra, pero facía tanto vento que máis que voar eles, parecía que eramos nós os que voabamos. Fixemos un xogo de preguntas e respostas parecido á oca para comprobar todo o que aprendemos neste día e rematamos cun curto paseo en autobús polo parque, onde desde os 700 metros de altura puidemos divisar a central térmica de As Pontes de García Rodríguez.

Pasámolo moi ben, aprendemos moitas cousas e regresamos un pouco máis concienciados sobre a importancia das enerxías “limpas”. Pero sobre todo, volvemos co compromiso de poñer na práctica algún deses consellos que nos deron para facer deste planeta un lugar menos contaminado e para aforrarlle uns euriños aos pais, que nestes tempos ben paga a pena.

Alumn@s de 5º de E.P.

Para ver a galería de fotos desta entrada ten que acceder ao Antigo Blog E. Primaria
http://b-p.colexionslourdes.es/busqueda/

[]

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies