¡Non corras riscos coas TIC!
Este luns, dentro das actividades relacionadas co Plan Director para a Convivencia e a Mellora da Seguridade nos Centros Educativos e nos seus Contornos, veu visitarnos un ano máis D. Ramón Fernández Ledo, membro da Garda Civil e colaborador habitual en dito Plan. Continuando coa liña do curso anterior, informounos dos riscos de seguridade que existen cando usamos as novas tecnoloxías, explicounos como tentar evitalos e, por suposto, animounos a seguir facendo un uso responsable das mesmas. Finalmente, D. Ramón, non tivo inconveniente en contestar a todas as nosas preguntas. Agora tócanos a nos, por en práctica todo aprendido, ¡e non é pouca cousa!