Sotavento, algo máis que un parque eólico
O xoves 11 de novembro os alumnos de 3º e 4º da ESO fomos visitar o parque eólico experimental de Sotavento en Xermade (Lugo). O que a priori parecía ía ser outra clase teórica sobre as enerxías renovables pronto se convirteu nun día de lecer xa que as nosas expectativas ían cambiando a medida que avanzaba o día.
Nada máis chegar fixeronnos entrar a unha sala. Alí explicaronnos o que iamos facer durante a nosa estancia. Logo veu un video sobre as enerxías renovables. Aínda que foi un pouco curto, estivo ben.
Despois e por grupos, fomos a distintos talleres: aforro de enerxía, o hidróxeno como outra fonte a ter en conta, o aproveitamento da enerxía solar nas súas duas vertientes: térmica e fotovoltaica, o funcionamento dun parque eólico… Agora entendíamos que papel desempeñan as leis da física e da química e como grazas a elas e coa nosa axuda pode mellorar o estado do planeta!
Xa pola tarde e despois de degustar aquelo que nosas nais nos puxeran para comer, fixemos un xogo. Por equipos tiñamos que superar distintas probas. Todas elas relacionadas coas enerxías renovables e non renovables. Gañou o equipo formado por Pablo e Jorge.
Como xa dixemos foi un día diferente onde aprendimos que a enerxía máis limpa e a máis efectiva somos nós e como cun pequeno xesto aforramos moito!
Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/
[]