Tarde de contos con Celso Fernández Sanmartín
Onte pola tarde, nunha actividade programada e organizada pola ANPA (Asociación de Nais e Pais de Alumnos e Alumnas) o alumnado de Secundaria reuniuse no Salón de Actos para algo moi sinxelo, moi divertido e que se vén facendo case desde que o mundo é mundo: escoitar contos. Para iso contamos co escritor e contacontos Celso Fernández Sanmartín que fixo, coa súa arte e o seu dicir, que a hora se nos pasase voando e que descubriramos que as palabras, ben botadas e ben contadas, gardan sempre unha maxia moi especial.
¡Moitas grazas Celso, pola túa visita, e moitas grazas á ANPA, por facelo posible!