Un acto onde as emocións estiveron a flor de piel
Este venres 14, profesores, familiares e amigos despediron ós alumnos de 4º no seu último ano cun acto no que as emocións estiveron a flor de pel.
Comezou coa introducción de Don Víctor, profesor de lingua galega, que nos deu a entrada do que ía ser una tardiña de despedida. As súas cálidas palabras fixeron que algunhas bágoas comezasen a aparecer nas faces dalgúns dos alumnos. Este cedeulle a palabra á nosa directora, Dolo, que pronunciou un discurso emotivo e no que destacou a importancia que se lle dá a cada un dos rapaces no centro coa frase “non só sodes números de expediente”. As súas palabras chegaron a un público que xa non se podía conter. En representación de pais e profesores falou Don Jorge, que mostrou cun claro exemplo a relación entre os adolescentes e os profesores e pais, as diferenzas e problemas que xorden ó longo desta etapa e como os momentos bos , o agarimo e o respeto sempre destacan sobre estes outros. Para pechar a parte de oratoria, unha das alumnas, Lucía, pronunciou un discurso de agradecemento a compañeiros e profesores polo seu apoio ó longo desta etapa no colexio. Para os que aínda non se emocionaran suficiente, os alumnos de 4º puxemos un vídeo coas nosas fotos dende Educación Infantil ata este último ano: excursións, festivais de fin de curso, patroas, etc.
Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/
[ ids=”5188,5189,5264,5190,5192,5193,5194,5195,5196,5197,5198,5199,5200,5201,5202,5203,5204,5205,5206,5207,5208,5209,5210,5211,5214,5215,5216,5213,5217,5218,5219,5220,5221,5222,5223,5224,5225,5226,5227,5228,5232,5231,5230,5229,5233,5234,5235,5236,5237,5238,5239,5240,5185,5186,5178,5176,5169,5154,5153,5152,5151,5145,5273″]
Despois da parte emotiva e dunha intensa sesión de fotos con familiares, amigos e profes,había que alegrarse e non había mellor forma que con música e uns deliciosos pinchos que prepararon pais e alumnos e mesmo as cociñeiras do colexio que quixeron sorprender ós presentes. Con todo, a pesar de que a comida estaba deliciosa, os rapaces de 4º necesitabamos movernos e bailar e no salón de actos comezou un guateque improvisado ó que se sumaron tamén os adultos, por iso os mozos decidimos repetir para eles a actuación da patroa e o baile de fin de curso.
Mais todo o bo remata, e con poucas ganas de marchar, un a un fomos abandonando as instalacións, dandolle fin ó acto de despedida da promoción que comezou a súa andaina no ano 2000 e que está a piques de rematar no 2013.
Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/
[ ids=”5287,5288,5289,5290,5291,5292,5293,5294,5295,5296,5297,5298,5299,5300,5301,5302″]