Unha excursión con aroma de mar
O pasado mércores o centro de secundaria quedou prácticamente vacío. 1º, 2º, e 3º tiñamos por diante un día de excursión á costa.
A primeira parada foi Muxía. Alí intentamos abalar a pedra, aínda que sen éxito, e moitos de nós “purificámonos” segundo di a lenda, pasando por debaixo da Pedra dos cadrís. Logo de estar alí un anaco relaxándonos mirando ao mar, dirixímonos ao que os romanos chamaban a fin do mundo para ver o faro. A moitos sorprendeunos ver roupas e zapatos queimados e contaronnos que era unha tradición entre os peregrinos cando remataban a súa peregrinaxe.
Continuamos a nosa viaxe visitando a fervenza do Ézaro, a única de Europa que cae ao mar. Impresionounos moito e iso que agora non baixa moita auga que como será cando o faga? Despois unha paradiña en Carnota para ver un dos hórreos máis longos de Galicia.
Pero o que máis nos gustou desta xornada foi a comida na praia de Louro. Alí pasamos boa parte da tarde e puidemos xogar, pasear, descansar… e sobre todo facelo todos xuntos .
Rematamos esta excursión coa visita ao casco histórico de Noia onde ademais de facer un percorrido rápido polos monumentos máis importantes, paseamos e fixemos as pertinentes compras.
Sin dúbida ningunha, os lugares que visitamos, as viaxes en autobús, a praia e estar cos nosos compañeiros para pasar un día relaxado, fan dunha excursión normal, unha excursión XENIAL!!!
Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/
[]