Curso 2026-2027: damos o primeiro paso

"Vexo o mundo darredor de min e adoezo por entendelo" Xosé Neira Vilas (1928, Vila de Cruces – 2015, Vila de Cruces) 

O mércores, 9 de setembro, comezamos un novo curso, un chanzo para descubrir, asumir retos e acadar aprendizaxes que nos farán medrar e ser mellores.

Agardamos que nestes meses que temos por diante non falten a ilusión, a curiosidade nin as oportunidades para aprender e compartir o aprendido e que, dentro dun tempo, alá por xuño, poidamos volver a vista atrás e comprobar, tal e como nos propuxo Neira Vilas, que nós, que adoeciamos por entender o mundo, imos xuntando respostas e descubríndolle novos sentidos ao que nos rodea.

Benvidos e benvidas todos e todas a esta nova andaina! E un saúdo moi especial ao alumnado de 1º da ESO, que este ano se incorpora ao centro.

Feliz curso 2026-2027!