Cincenta no Teatro no Principal

Hoxe tocou teatro no Principal. O grupo de 1º ESO asistiu pola mañá á representación da obra de teatro “A Cincenta que xa non quere comer perdices”, representada pola Escola Municipal de Teatro. A representación é unha reflexión sobre como os contos tradicionais tratan as relacións de parella entre homes e mulleres e unha maneira, en clave de humor e na liña da actualidade, de revisar os roles tradicionais de xénero e de certos prexuízos. Unha hora de teatro divertido e ameno, e unha necesaria aprendizaxe.