Día Internacional contra a Violencia de Xénero
O 25 de novembro a ANPA organizou un contacontos no que Jeanette Valiñas nos presentou o libro Soy solo mía, escrito por Raquel Díaz Reguera. A través das páxinas deste fermoso álbum ilustrado e das preguntas que Jeanette nos formulou reflexionamos sobre o comportamento de Ratón e a transformación e estado anímico de Ratona, que debe tomar unha determinación cando a súa historia de amor se converte no peor pesadelo.
Moitas grazas á ANPA e a Jeanette!
