Día Internacional da Muller
A educación é o instrumento máis eficaz para conseguir unha verdadeira igualdade. O noso compromiso por unha equidade real entre homes e mulleres tamén estivo presente nas diferentes actividades que realizamos para conmemorar o Día Internacional da Muller, nas que reflexionamos sobre o papel da muller na historia así coma nos roles de xénero. Igualmente fixemos unha tarefa de investigación sobre a aportación profesional daquelas ‘mulleres que nos inspiran’, deportistas, científicas, escritoras e artistas. A posta en común do seu valor inspíranos día a día. A educación en igualdade é un compromiso de todos e todas.