Festa da Patroa e Entroido
O 11 e 12 de febreiro celebramos con moita ilusión a Festa da Patroa.
Iniciamos as dúas xornadas cunha videoconferencia na que nos reunimos todos os cursos de Infantil, Primaria e ESO. Despois desfrutamos en cada aula dos vídeos do pregón, da entrega de premios dos diferentes concursos e, por suposto, das actuacións de todos os cursos, preparadas e gravadas nos días anteriores. Tamén fixemos diferentes obradoiros: artes plásticas, baile, cine, Entroido tradicional galego, obradoiros dixitais, etc. E non faltou a celebración do Entroido!
Foron dúas xornadas nas que compartimos (grazas á tecnoloxía) alegría, ilusión, creatividade e sorpresas.
