Pegada dixital
O pasado martes, con motivo da participación do noso centro no programa educativo “Iniciación segura á pegada dixital e ás redes sociais”, estivo connosco Alba Ramos, especialista da Axencia para a Modernización Tecnolóxica de Galicia (Amtega), para levar a cabo un obradoiro que ten coma obxectivo a mellora da nosa capacitación cara a facer un uso máis responsable e proveitoso das tecnoloxías. Non só afondamos no significado de termos como identidade dixital ou pegada dixital, senón que tamén ofreceunos ferramentas e recursos para facer un uso, o máis seguro posible, das redes sociais.
O alumnado de 3º e 4º da ESO agradecemos moito a súa visita e os seus consellos.