Charla-coloquio de exparlamentarios
O pasado mércores, 4 de decembro, tivemos unha ano máis unha actividade promovida polo Parlamento de Galicia e a Asociación de Exparlamentarios/-as. Foi unha charla-coloquio na que participaron os exdiputados Xesús Palmou Lorenzo (PPdG), Pablo García García (PSdeG-PSOE) e Xesús Veiga Buxán (BNG) e que tivo como principal obxectivo que o noso alumnado coñecese de primeira man o traballo que se leva a cabo no Parlamento de Galicia.
Deste modo, os exparlamentarios falaron da súa propia experiencia como deputados, reflexionaron sobre o mundo da política e a súa incidencia na vida dos cidadáns e achegaron un visión histórica das institucións políticas en Galicia. A charla completouse cunha proxección audiovisual que procurou ofrecer un percorrido pola principal institución política de Galicia, o Parlamento de Galicia.
