Comeza o curso!

Acabou o verán e comezamos as clases. O pasado venres, día 15,  abríronse as portas para o primeiro día de curso, unha xornada especial onde nada faltou: o reencontro cos compañeiros, coas aulas, as benvidas da directora e dos titores respectivos, as actividades de diverso tipo tanto ao aire libre como na Aula de Plástica e mesmo probamos as mazás para o recreo preparadas pola ANPA. Por diante quedan meses de estudo pero tamén un tempo que garda para nós moitos momentos de entretemento e de gozo compartido.

¡Que sexa un curso feliz e proveitoso para todos!