Día Internacional da Muller
No colexio traballamos os contidos relacionados coa igualdade e o respecto a todas as persoas ao longo de todo o curso. Ademais, arredor do 8 de marzo desenvólvense actividades que teñen como centro de interese a muller, as mulleres, aquelas que destacaron ou destacan en diferentes campos, como a ciencia, a arte, a literatura… e aquelas que forman parte das nosas vidas e que tanto queremos.
Este curso incluímos entre as actividades algunhas relacionadas coa curtametraxe Eu vou comigo, dirixida por Chelo Loureiro, que pon o foco na prevención da violencia de xénero e a promoción da igualdade a través do traballo da autoestima e o autoconcepto.
