Festa das Palabras, 2026
O pasado 27 de maio tivo lugar no Teatro Principal da Estrada a décimo terceira edición da Festa das Palabras. O acto, presentado por Nora Diéguez e Artai Fernández, do IES Avelina Valladares e que contou co acompañamento musical de Gloria Pavía e Rafa Morales, foi organizado un ano máis por DINAMIZAESTRADA e serviu para agasallar o alumnado gañador dos microrrelatos e micropoemas deste curso. Os sesenta premiados/-as recolleron cadanseu exemplar (e no libro un caravel) que reúne os traballos gañadores.
Na edición deste ano o padriño escollido foi Xosé Lueiro Lemos, quen dedicou unhas sentidas palabras ás persoas premiadas e ao numeroso público asistente. En representación do Concello da Estrada, Amalia Goldar, concelleira de Educación, felicitou os gañadores e enxalzou o traballo realizado polos participantes, gañasen ou non. Durante o acto, o colectivo DINAMIZAESTRADA quixo tamén facerlle unha pequena homenaxe á profesora do CEIP Pérez Viondi, María Tato Carbajales, pola súa dedicación e contribución ao proxecto ao longo dos anos.
Aos nosos premiados, Lara Mella Sanmartín, Celia Neira Collazo, Elisa Álvarez Arca, Paula Campos Agrelo, Inés Baños Suárez, Nicolás Rivas Fernández, Carlota Sanmartín Sesar, Alejandra Campos Agrelo, Antón Pernas Cimadevila e Sofía Sánchez Amorim, en hora boa!!!
