Juan Andrés presentounos “Contos para Elliot”

O 11 de abril recibimos no colexio a Juan Andrés Fernández Castro, que tivo un encontro formativo co alumnado de Educación Infantil e Primaria para presentar o seu libro Contos para Elliot, publicado por Edicións Fervenza.

Juan Andrés falounos de recordos da súa etapa escolar, amosounos os seus cadernos, a súa pizarra, os fráxiles pizarriños… e contounos como descubriu a súa paixón pola lectura, algo que máis adiante o axudaría nas súas facetas de mestre, historiador e, por suposto, na de escritor. Leunos fragmentos de dous dos seus libros, Contos para Elliot e  Guendufe o anano, e nós agasallámolo cuns recordos que fixemos con moito agarimo inspirándonos nos seus contos.

Moitas grazas pola visita, Juan Andrés!