Mary Carmen Ruzo presentounos “Leliña. Un ano na vida de Lela”
O 17 de xuño en 1º, 2º e 3º EP recibimos con moita ilusión a visita da escritora Mary Carmen Ruzo López, avoa da nosa compañeira Lara, que nos presentou o seu libro Leliña. Un ano na vida de Lela.
No encontro formativo con Mary Carmen houbo tempo para repasar algunhas das vivencias máis especiais de Leliña, trasladarse a través da visión desta nena de 6 anos ao seu mundo, a Galicia rural da década dos 60, coñecer o proceso creativo deste libro, facer preguntas e aprender sobre a importancia da lectura, a familia e a amizade.
Moitas grazas, Mary Carmen, por esta visita!
