Outono e poesía

Un ano máis participamos na Festa da Poesía, celebrada no Teatro Principal da Estrada, onde tamén se lle fixo entrega do XXIX Premio de Poesía Avelina Valladares ao escritor de Cee, Rafael Vilar González, pola obra Ferida aberta.

Natalia e Julián, de 2º de ESO, contribuíron  a que a chamada da poesía que ten lugar cada outono no noso concello tivera a resposta oportuna coa lectura dos poemas “Princesa (contra) Disney”, de Carlos Negro, e “Biografía dunha folla”, de Manuel María.

Foi unha ocasión para compartir literatura e lingua e manter vivo este encontro poético que xa forma parte do noso calendario escolar.