Semana das Ciencias
O xoves 7 de novembro o alumnado de 2º e 3º de secundaria desprazouse ata Ourense para visitar a Aula Newton, onde realizaron actividades relacionadas con cálculos de traxectorias e simulación de voos.
Entre os días 11 e 13 de novembro celebrouse o tradicional concurso de ciencias por equipos e: preguntas e respostas sobre as distintas materias do Departamento. O resultado foi satisfactorio para todos e os equipos premiados de cada categoría recibiron un diploma e un agasallo.
O día 20 os alumnos de 3º e 4º de ESO dirixiron o roteiro científico onde explicaron diferentes experimentos físicos, químicos e tecnolóxicos ao resto de cursos.
