Taller sobre prevención de condutas aditivas

O alumnado de 3º e 4º da ESO tomou parte, o pasado mércores, nunha actividade formativa centrada na prevención de adiccións con e sen substancias, organizada en colaboración co Concello da Estrada.

A sesión foi impartida por Manuel Isorna, doutor en Psicoloxía, master en drogodependencias pola USC e docente universitario, quen desenvolveu, como ven sendo habitual, unha charla participativa, próxima e moi esclarecedora. Ao longo da súa intervención, conseguiu captar a atención do alumnado e trasladarlles unha visión clara sobre os riscos vinculados a determinados hábitos e consumos. Un dos focos estivo posto na importancia de adquirir ferramentas para tomar decisións responsables e fomentar unha actitude crítica ante estas situacións.

Dende o centro expresamos o noso agradecemento pola súa disposición e compromiso, e subliñamos o valor deste tipo de iniciativas na educación e concienciación do noso alumnado.