Concerto no Auditorio de Galicia. 1º, 2º e 3º EP
O xoves 1 de febreiro 1º, 2º e 3º de Educación Primaria fomos a Santiago de Compostela para asistir no Auditorio de Galicia ao concerto didáctico O Gato con Botas ou Maese Gato.
Este conto popular europeo foi recollido en 1695 por Charles Perrault, que o publicou dous anos máis tarde, dedicándollo a unha sobriña de Luis XIV, coñedido como “Rei Sol”. Na estética desta época e da corte de Versalles inspirábase a posta en escena. Títeres PerPoc creou un espectáculo coas figuras debuxadas pola artista Alexandra Semenova, que se moveron ao son do repertorio musical francés dos séculos XVII e XVIII interpretado pola Real Filharmonía de Galicia.
Tralo concerto puidemos merendar e dar un paseo polo Parque da Música.