Coñecendo o SERGAS
“O pasado xoves, 30 de maio, recibimos a visita de Raquel Balboa, nai de Manuel e de Daniel, de 1º e 3º da ESO. Raquel acercouse ao centro para falarnos do SERGAS, Servizo Galego de Saúde, e grazas a ela descubrimos o mundo complexo que se agocha detrás desas siglas. Imos aos centros de saúde, ao hospital e poucas veces nos paramos a pensar na organización que hai detrás, nos centos de persoas que traballan alí e en como están organizadas. Da man de Raquel puidemos descubrir como se compón, cal é a súa finalidade, como se financia e cales son os retos para o noso sistema de saúde. Toda unha sorte esta charla, sobre un tema que non vén nos currículos e que cómpre coñecer porque é algo que nos afecta a todos os cidadáns e cidadás, sexa cal sexa a nosa idade”.