Construción dun niño de paxaro, outra dimensión máis para as tardes dos mércores.

Xa estivera con nós no pasado outono para facernos unha demostración introdutoria á Impresión 3D e nas últimas tardes dos mércores do curso Enrique Otero Neira e a súa empresa Brinka3D volveron para facernos outra demostración práctica e colaborativa. Enrique puxo á nosa disposición ferramentas de deseño e impresión en 3D e amosounos, cun exemplo, unha das múltiplas aplicacións que ofrecen. El fixo de guía e entre todos ideamos, deseñamos e realizamos unha peza única: un niño de paxaros que agora ocupa o seu lugar entre a nosa carballeira.
Grazas, Enrique, por darnos a oportunidade de coñecer algo máis sobre impresión dixital e por guiarnos no traballo que fixemos.

…e xa che contaremos que paxaro afortunado vive alí.