Debuxando a Rosalía de Castro
Coma sempre, a data do 24 de febreiro está marcado no noso calendario. É a data na que recordamos á nosa escritora máis querida, á muller que nos ensinou a amar a nosa lingua.
Non faltaron a este recordatorio, lecturas (tamén por videoconferencia para os nosos compañeiros de E. Primaria) de varios dos poemas dos seus libros “Cantares Gallegos” e “En las orillas del Sar”, así como conversas e presentacións sobre a súa vida e obra, que nos levaron a coñecer máis, se cabe, a Rosalía de Castro.
Este ano, ademáis, quixemos debuxar a Rosalía, aos seus poemas e así amosar de outra forma aqueles versos que máis nos gustaron.