DÍA ESCOLAR DA NON VIOLENCIA E DA PAZ
A cultura da paz témola moi presente no colexio todos os días do curso, promovémola a través de actitudes e valores, do rexeitamento da violencia e do traballo na prevención e resolución pacífica de conflitos. Nesta data sinalada subliñamos a importancia da convivencia en paz a través da creación artística, lecturas, debates, música, xogos, etc.
A PAZ
A Paz é un paseo,
unha alegre conversa,
un sorriso de amigo,
un pan na miña artesa.
A Paz é o que sinto
que fago en liberdade
na rúa, no traballo,
no campo, na cidade.
A Paz é estar contento,
saír, soñar, correr…
A Paz é todo un mundo
que eu non quero perder.
Ana María Fernández, Versos da tarde laranxa