Día Escolar das Matemáticas – 1º e 2º EP
Celebramos o Día Escolar das Matemáticas (12 de maio) con actividades interdisciplinarias que tiveron como centro de atención as matemáticas.
En 1º EP elaboramos a nosa Maths Box, unha “caixa de matemáticas” totalmente personalizada coa que practicamos sumas e restas de maneira lúdica, manipulando sementes, como fabas e garavanzos.
En 2º EP traballamos coa xeometría da man do artista neoplasticista neerlandés Piet Mondrian (1872-1944), quen nas súas obras máis icónicas apostou pola simplicidade absoluta: composicións abstractas con planos de cores primarias e liñas rectas horizontais e verticais, formando cadrados e rectángulos. Ademais, traballamos cun texto titulado “Un problema de matemáticas”.
Como a celebración coincidiu coa Semana das Letras Galegas, este ano lemos nos dous cursos o texto “A inventar números”, que forma parte de Contos ao teléfono de Gianni Rodari, traducido por Xela Arias, a autora homenaxeada no Día das Letras Galegas 2021.