Día Internacional da Muller
Este ano para conmemorar o Día Internacional da Muller decoramos con entusiasmo a árbore da entrada do colexio, actividade na que participamos todas as nenas e nenos de Educación Infantil e Educación Primaria. Enchémola de nomes de mulleres e de logotipos da campaña Xeración Igualdade, de ONU Mulleres.
Ademais, en cada aula realizáronse diferentes actividades, co obxectivo de facer fincapé no valor da igualdade, que defendemos, promovemos e traballamos durante todo o curso. Algunhas delas foron: presentacións, comentario de vídeos e fotografías, traballos de investigación, composición plásticas, lectura de poemas escritos por mulleres, lectura de noticias e biografías de deportistas, científicas, artistas… Non esquecemos as mulleres máis importantes das nosas vidas: nais, avoas, irmás, tías, curmás, madriñas, amigas, compañeiras…
“Mulleres líderes: Por un futuro igualitario no mundo da Covid-19” (lema da ONU no 2021)
Sen estereotipos, con oportunidades para todas as persoas.