Parlamento Xove 2021, unha grande experiencia
O pasado sábado, 6 de marzo, participamos un ano máis no Torneo de Debate “Parlamento Xove”. Nesta edición, por videoconferencia por mor da situación actual, o equipo formado por Adrián, Breixo, Daniela e Vanessa, de 3º de ESO, tivo que debater con outros centros a partir dun tema de moita actualidade: “Debería un estado establecer como obrigatoria a vacinación entre a súa poboación?”.
Malia non clasificarse para a fase final o equipo demostrou unha grande altura dialéctica e unha actitude encomiable ao longo dos tres debates disputados na xornada. O noso paso polo torneo deixounos un sabor de boca moi doce acrecentado, ademais, porque Breixo, orador-refutador do equipo, foi designado polo xurado da competición como o mellor orador da edición do Parlamento Xove deste ano.
Adrián, Breixo, Daniela e Vanessa: ¡Noraboa equipo!
Parabéns, Breixo, polo galardón acadado!!