Excursión a Santiago de Compostela, 1º e 2º EP
O 25 de maio fomos de excursión a Santiago de Compostela. Pola mañá fixemos un percorrido polo casco histórico, con paradas para buscar en grupos as respostas a algunhas preguntas curiosas. Despois descansamos nunha das prazas máis famosas e fermosas do mundo: a Praza do Obradoiro!
A continuación, trasladámonos á Cidade da Cultura, onde desfrutamos xogando na zona de lecer e comemos no Parque do Lago.
Pola tarde paseamos pola Cidade da Cultura, fixemos unha parada na exposición “2 Torres, 2 Camiños”, nas Torres Hejduk, e visitamos a exposición “Obxectos de desexo. Surrealismo e deseño, 1924-2020”, no Museo Centro Gaiás, onde algúns dos ready-mades nos deixaron abraiados e nos sacaron un sorriso.
Que ben o pasamos en Santiago!
