Excursión de 1º e 2º EP a Sabucedo e Codeseda
O 18 de maio tivemos unha saída didáctica a dúas parroquias da Estrada, Sabucedo e Codeseda, para desenvolver a actividade “Os tesouros da Estrada”.
Pola mañá estivemos en Sabucedo, onde visitamos a Serra do Mestre, unha instalación preindustrial que conta con muíño e serradoiro hidráulicos, ademais dun forno, e percorremos a ruta dos muíños de Vesacarballa. Para coñecer a historia da Rapa das Bestas, estivemos no curro vello e no curro novo e paseamos polas rúas da aldea, na que se localizan varias fotografías artísticas que ilustran esta tradición centenaria declarada Festa de Interese Turístico Internacional.
Pola tarde trasladámonos a Codeseda e visitamos a igrexa de San Xurxo, coñecida pola súa fermosa ábsida románica. Rematamos a excursión percorrendo un tramo do Camiño da Geira ou dos Arrieiros.
Que ben o pasamos!
