Lecturas na carballeira
Hoxe empezamos oficialmente os actos adicados a celebrar o “Mes do Libro”. Estes actos prolongaranse ao longo do mes de abril e terán continuidade no mes de maio ao abeiro do “Día das Letras Galegas”. Serán case cinco semanas cargadiñas de actividades cos libros e as letras de protagonistas. Taida, Xosé, Irina e Clara, alumn@s da ESO léronlle a 5º e 6º de EP un capítulo dun dos seus libros favoritos á sombra dos carballos. Unhas lecturas fermosas e divertidas no escenario soleado dunha tarde de luns. Grazas, compañeir@s, polo voso tempo e o voso interese en compartir unha lectura con nós.