Letras Galegas 2020: Ricardo Carvalho Calero, autor homenaxeado
Despois do vivido, as Letras Galegas deste ano tivémolas que celebrar de forma diferente a outras edicións. Desde as casas. A distancia non o puxo fácil pero foi propoñelo e as ventás de par e par se abriron para que voces e palabras resoasen e fixesen acordanza de que tamén é primavera no ceo das nosas letras. En honor de Ricardo Carvalho Calero, o gran polígrafo.
Un podcast recolle voces do alumnado da ESO dándolle vida a textos do autor e realizáronse ademais actividades diversas sobre a súa figura e a súa obra: actividades en liña, un macro-KAHOOT para toda a etapa e a lectura a través de videoconferencia dun capítulo da obra A xente da Barreira, por parte do profe Manuel Fariña, titor de 6º, para os cursos da ESO.