Magosto 2021
A mediados do mes de outubro celebramos con moitísima ilusión a nosa Festa do Magosto. Nas aulas tivemos obradoiros relacionados co magosto e o outono, mentres que nas instalacións deportivas do colexio desfrutamos cos xogos tradicionais das chapas, os bolos e a chave. Tamén houbo tempo para as carreiras de relevos, o brilé e para escoitar as lecturas de contos coas que nos sorprendeu alumnado de ESO.
Por suposto, non faltaron as deliciosas castañas asadas!