Medidas adoptadas polo Centro en relación coa suspensión das clases debido ao COVID- 19
Estimadas familias,
Seguindo as indicacións da Consellería de Educación, Universidade e Formación Profesional, comunicamos que:
- Dende o luns 16 de marzo e durante 14 días naturais o Centro permanecerá pechado para a atención presencial en todos os niveis educativos.
- Quedan aprazadas as probas de avaliación fixadas para as vindeiras semanas.
- Quedan canceladas todas as titorías.
- Recordámosvos que o 19 e 20 de marzo non son días lectivos (segundo consta no calendario escolar entregado ao comezo de curso).
Cómpre recordar, que este período non é de vacacións, nin para o alumnado nin para o profesorado, que continuará desenvolvendo o seu traballo, atendendo á formación e seguimento do alumnado e asesorando ás familias de xeito non presencial. Empregaranse as canles de comunicación que se detallan baixo estas liñas.
- Infantil: A partir do luns 16 poderedes consultar suxestións de actividades nos seguintes blogs:
- 1º, 2º, 3º e 4º de E. Primaria: A partir do luns 16 poderedes consultar nos seguintes blogs indicacións coas propostas de traballo.
- 5º e 6º de E. Primaria e 1º ESO: A través de E-Dixgal o profesorado facilitará actividades e recursos para desenvolver o traballo nas distintas materias. Para a materia de Lingua Galega de 1º ESO usarase tamén o blog https://verbasdeagua.blogspot.com/.
- 2º, 3º e 4º ESO: A través da Aula Virtual do Centro (Moodle) o profesorado facilitará actividades e recursos para desenvolver o traballo nas distintas materias. Para a materia de Lingua Galega usarase tamén o blog https://verbasdeagua.blogspot.com/.
CONSULTAS:
Correo electrónico: cpr.nuestrasenora.lourdes@edu.xunta.es
HORARIO DE ATENCIÓN NON PRESENCIAL:
Educación Infantil e Primaria:
De luns a xoves: de 9:30 a 13:00 e de 15:00 a 17:30
Venres: de 9:30 a 13:00 e de 15:00 a 17:00
Educación Secundaria:
Luns, martes e xoves: de 9:00 a 13:30 e de 15:00 a 17:30
Mércores e venres: de 9:00 a 13:30
Nas horas que corresponderían a cada materia, segundo o horario deste curso, o alumnado da ESO poderá resolver as dúbidas que se lle presenten, ben a través da propia Aula Virtual (Moodle), ben a través do correo electrónico do Centro.
Prégase que as familias que por calquera motivo non puideran acceder a estes medios telemáticos nolo fagan saber mediante correo electrónico.
EQUIPO CNSL