O mundo da Xustiza, unha mañá para aprender
O pasado mércores, 24 de xaneiro, os cursos de 3º e 4º da ESO participaron na actividade do programa Educar en Xustiza.
Esta iniciativa, promovida polo Consello Xeral do Poder Xudicial e o Tribunal Superior de Xustiza de Galicia (TSXG), procura que o alumnado coñeza o funcionamento dos órganos xudiciais da comunidade e para ese fin puidemos asistir a varios xuízos nos Xulgados do partido xudicial de Santiago de Compostela. Alí coñecimos da man de membros da carreira xudicial como é un xuízo, quen intervén en cada momento (xuíces, fiscais, avogados, acusadores, acusados, testemuñas, etc.) e recibimos explicacións sobre conceptos básicos da xurisdición de menores como é o sistema de imposición de penas.
Foi, sen dúbida, unha visita apaixonante que valeu para aprender moitas cousas da man duns guías excepcionais e pulsar, e descubrir a un tempo, como é unha mañá na vida dun Xulgado.