O noso parlamento: unha lección diferente.
O pasado 24 de abril recibimos no noso colexio a tres ex-parlamentarios, Celso Currás, ex-deputado do Partido Popular, Pilar García Negro, ex-deputada do Bloque Nacionalista Galego e Luís Toxo, ex-deputado do PSdeG-PSOE. Celso, Pilar e Luís falaron con nós sobre a institución que representa o conxunto da cidadanía galega, o Parlamento de Galicia, contáronnos algunhas experiencias e transmitíronnos reflexións que nos deben axudar a valorar como é debido o noso parlamento e a tomar consciencia da súa importancia nas nosas vidas.