Parlamento Xove, ¡estamos na fase final!

A pasada fin de semana tivo lugar en Culleredo (A Coruña) a fase clasificatoria do Torneo de Debate “Parlamento Xove”, competición organizada pola Dirección Xeral de Xuventude que se celebra cada ano. Nesta edición, a 6ª,  na que participaron 24 centros de toda Galicia, o equipo de debate do noso colexio obtivo un merecido 8º posto na clasificación final, o que lle dá dereito a participar na fase final deste torneo. Alí estaremos!
O equipo formado por César Barruso, Clara Iglesias, Pablo Sanmartín e Irina Zamora, de 4º da ESO, demostrou un alto nivel e gañou dous dos tres debates que disputou; ademais, nos tres debates obtivo puntuacións moi altas. Agora toca agardar o tema do próximo debate e prepararse para, o 15 e o 16 de abril, esta vez en Santiago, debater nos cuartos de finais.

Bo traballo! Sorte para o que vén!!

Para ver a galería de fotos desta entrada ten que acceder ao Antigo Blog E. Secundaria
http://b-s.colexionslourdes.es/busqueda/

[ ids=”7911,7910,7909,7908,7907,7905,7904,7903,7902″]