Participamos na 5ª edición de COÑÉCEAS!
O pasado 8 de febreiro recibimos a visita de Laura Porres Ventín, investigadora no CIMUS (Centro Singular de Investigación en Medicina Molecular e Enfermidades Crónicas), que está situado en Santiago. Foi no marco da xornada “Coñéceas” para a divulgación da actividade científica realizada por mulleres e que cada ano organiza ASEICA. O obxectivo desta actividade é dar visibilidade ás científicas que investigan o cancro dunha maneira dinámica e interactiva e con esta iniciativa ASEICA pretende tamén animar o alumnado e, en particular, as nenas e xoves, a que se interesen pola Ciencia.
Laura, como ‘detective do cancro’ explicounos aspectos da súa actividade investigadora, dos estudos realizados, como naceu a súa vocación, como é un laboratorio “por dentro” e como os alumnos e alumnas da ESO poden también chegar algún día a ser investigadores.
Grazas pola túa visita, Laura!