Premio ao mellor orador do Parlamento Xove 2021 para Breixo. ¡Parabéns!
O alumno de 4º ESO do CPR Plurilingüe NS Lourdes, Breixo Bahamonde Senín, recibiu onte, da man da conselleira de Política Social, Fabiola García Martínez, o premio e o diploma que o acredita, xunto con outros tres galardoados, como mellor orador da edición do Parlamento Xove (ESO) 2021. A entrega do premio foi adiada polas circunstancias e onte tivo lugar o acto de entrega nas dependencias do Centro Galego de Desenvolvemento Integral (CEGADI), en Santiago de Compostela. Ao acto asistiron a conselleira, a directora Xeral de Xuventude, Participación e Voluntariado, Cristina Pichel, representantes dos centros escolares e as familias dos galardoados/-as.
Un merecido recoñecemento para un traballo espléndido. ¡¡¡NORABOA BREIXO!!!