Saboreando A Estrada
Nestes últimos días o alumnado de 6º EP estivemos a participar na actividade promovida polo Concello, “Saborea A Estrada”.
O pasado día 9 visitounos Xosé Manuel Durán, experto en alimentación san e produtos ecolóxicos para charlar sobre a alimentación saudable e a calidade dos mercados de proximidade.
Desa charla xurdiu a proposta de escribir unha receita para elaborar con algúns dos produtos típicos da nosa comarca e da estación na que estamos. Pero o máis divertido desta actividade, foi sen dúbida, a realización práctica do proxecto, que levamos a cabo no Novo Mercado de A Estrada o pasado xoves día 18, “Cociña coa xente miúda con Iván Méndez”. Escoitamos os valiosos consellos dunha nutricionista sobre unha alimentación san e participamos activamente, cada un co noso mandil de cociña, na elaboración da nosa receita. O remate foi especial porque tivemos a sorte de degustar o que antes cociñaramos.
Aquí vos deixamos tamén a nosa receita, por se vos animades a facer de cocinillas.
“Receita de polo á sidra con mazás”