Semana das Ciencias en Secundaria
Un ano máis, no CNS Lourdes, vimos de celebrar a Semana das Ciencias na que as rapazas e os rapaces implicáronse moito nas diferentes actividades que se fixeron.
Como non podía ser doutro xeito, tivo lugar o noso concurso de preguntas e respostas científicas e matemáticas. Este ano, en ambas categorías, os duelos realizados estiveron moi reñidos, pero na final acabaron impoñendose o equipo conformado por Zoe, Naia e Patricio na categoría de 1º e 2º de ESO, e o de Iara, Antía e Manuel na de 3º e 4º de ESO.
Tamén se realizaron dúas excursións. 1º e 2º de ESO visitaron a cidade de Vigo, onde foron ao Museo de Arte Contemporánea e o Museo do Mar, onde realizaron diferentes actividades sobre a problemática dos plásticos no mar. Por outro lado, 3º e 4º de ESO, foron á aula Newton, donde puideron realizar simulacións de voo entre outra actividades.
Durante a semana tamén se visualizaron documentais de carácter científico, Tierra, una película de nuestro planeta, y Una verdad incómoda.
Finalmente, o venres, realizamos o roteiro de experimentos, nos que o alumnado de 4º preparou experimentos, os cales explicaron ao resto dos compañeiros da ESO.
E como remate final, desveláronse os gañadores do I Concurso de Fotografía de Outono, sendo a gañadora Reflexos, de Carolina Otero Riesco. Mentres que a segunda e terceira posición foron para Iara Blanco e Mauro Gañete respectivamente, polas súas fotografías, O outono, a segunda primavera, e Muiño no Monte.
